圖：工聯會、民建聯尋日齊齊直播反辱華集會/網上圖片
潮流興直播，媒體喺Facebook要直播，就連政黨都話要直播。
一到星期三，成個立法會就畀反對派搞到大混亂，尋日工聯會麥美娟、陸頌雄同郭偉強就喺議會入面即時直播；之後仲直播埋工聯會兩「巨頭」，理事長吳秋北同會長林淑儀，喺「反辱華」集會嘅講話，簡直有效率過即時新聞。
至於呢邊廂民建聯亦都有直播「反辱華」集會，跟手仲搵埋「記者」逐個民記議員訪問，仲有主席李慧琼，直頭以為睇緊電視台咁！不過死啦，搞到咁有聲有色，鄭晴第日會唔會失業？
