圖：「巴基之星」話畀大家知，要對自己有信心，一定可以逆轉勝\設計圖片
就算大家好少睇賽馬，都應該知道上季有一隻好出名嘅馬叫「巴基之星」，佢由包尾到絕地反勝，過程好勵志㗎。
抖暑兩個月之後，「巴基之星」尋日終於再上征途。上次就話跑1200米，今次就挑戰1400米，繼續由「馬壇神童」蔡明紹策騎。咁嘅組合，一睇就知大熱啦！不過一開閘嘅時候，「巴基之星」再次包尾。嚇，又包尾？唔會大熱倒灶啩？「巴基之星」一路跑一路跑，都喺包尾位置，直去到轉彎之前都係包尾。鄭晴心裏一驚，但鄭晴不說。
不過轉咗彎入直路之後，大奇跡日又出現啦！「巴基之星」憑住驚人爆發力，可謂見一隻過一隻，蔡明紹只係快馬一鞭，「巴基之星」終於跑贏，兩戰不敗。跑第二、三、四分別係「萬馬飛騰」、「勇霸神駒」及「瀟灑王子」。
鄭晴就覺得，大家與其話「巴基之星」「輸喺起跑線，贏在終點前」，不如話「天生我才必有用」啦。「巴基之星」明明擁有優良血統，係一匹極具潛質嘅「千里馬」，其實，大家都畀多啲信心自己啦，一定都可以逆轉勝。
