圖：張華峰（左）同財爺要喺哈薩克過中秋
金融服務界立法會議員張華峰，日前就同財爺曾俊華飛咗去哈薩克斯坦，同當地官員及當地商界見面，目的就係加強香港與哈薩克斯坦嘅經貿聯繫。尋日適逢中秋佳節，華峰身在異鄉，就喺facebook發帖，話「人在異鄉，在『一帶一路』訪問團路上，分外覺得月是故鄉圓。祝願大家人月兩團圓、中秋節快樂！」華峰仲貼咗兩張相，一張就係佢同財爺握手嘅合照，另一張就係兩個沙田柚Q版造型嘅相，大家估下邊個係華峰、邊個係財爺？
