圖：蔣麗芸重視市民聲音，所以今屆成功連任，還成為九龍西嘅票后
民建聯蔣麗芸（Ann姐）今屆成功連任，還成為九龍西嘅票后，當然係有理由。Ann姐尋日喺facebook發帖，話選舉期間，有市民向Ann姐反映同建議一啲地區及民生事宜。經過檢視之後，Ann姐已經陸續去信有關政府部門及相關機構，例如東鐵線大圍站、大學站、東涌線等月台上蓋未有覆蓋至黃線，乘客每逢雨天就要撐傘，所以Ann姐去信港鐵，希望港鐵考慮改善月台上蓋。又例如紅磡碼頭發出臭味，Ann姐去信環境保護署，要求當局改善臭味問題。
建制派一向都係做實事，遇到街坊投訴，一定要落力向有關部門反映。Ann姐喺地區做過咩，選舉上就可以反映出嚟，高票當選梗係有原因啦！忙完呢一輪，佢尋日就離開香港休息一下，鄭晴就祝Ann玩得開心啲，返到嚟香港之後就繼續為市民發聲，為香港作出貢獻。
