參選新界西嘅工聯會麥美娟（Alice），早前五集《麥工Ⅱ》大受歡迎，日前播出第六集大結局。一直扮演的士司機嘅Alice，今次終於本色演出，一覺醒來終於變成立法會議員，之前的士司機不過係一場夢。
鏡頭一轉，佢班助理就鬼殺咁嘈，話自己嘅議題要優先處理。Alice就同佢哋講，身為議員，最緊要係了解市民需要，聆聽市民意見，例如有啲想陪個女食蛋糕，有啲想去街市買平餸，有啲想喺屋企上網，好似微不足道，但立法會議員唔係要建立豐功偉績，而係幫市民解決困難。Alice話，千祈唔可以選前就話鞠躬盡瘁，選後就唔記得，以為高人一等，要喺市民角度睇問題，咩議題優先並唔重要。
鄭晴睇完六集，覺得Alice真係言行一致！從觀眾角度睇，Alice團隊用最輕鬆方法反映民生問題，的確係肯花下心機，令觀眾印象更深刻。呢種「貼地」態度，鄭晴要畀個like啦！
參選新界西嘅仲有：梁志祥、陳恒鑌、田北辰、周永勤、何君堯、尹兆堅、郭家麒、黃俊傑、馮檢基、黃潤達、朱凱迪、黃浩銘、李卓人、湯詠芝、張慧晶、高志輝、鄭松泰、呂智恆、鄺官穩。
