圖：惠若琪（右）自爆單身兼幫隊友徵婚/資料圖片
內地里約奧運精英團訪港行程滿滿，但中國女排隊長、「元氣少女」惠若琪忙裏偷閒，與一眾粉絲進行網上直播，吸引過百萬粉絲觀看，「女神」果然魅力非凡！惠若琪喺直播大嘆今次嚟香港行程十分緊密，每日簽名都要簽三、四百個，但佢都好想去行街買嘢畀屋企人。
除咗同網友傾偈，惠若琪還和大家玩遊戲，仲清唱奧運賽前聽嘅飲歌《年輕的戰場》，兼自爆單身添。佢透露，希望另一半可以同佢差唔多高，要有1.9米，同埋係個男人未婚就OK。隊長直播嘅時候還幫隊友徵婚，仲一直照顧中國女排隊中19歲嘅成員龔翔宇同前女子國家排球隊隊員孫悅的細囡，真係冧爆屏幕前嘅廣大宅男！
