圖：Starry話，每次入到不同嘅社區，都有好多街坊叫佢哋撐住/大公報記者何嘉駿攝

　　今屆立法會選舉參選名單之多，係歷屆之最，但唔少都係單憑一兩句空洞嘅政治口號就空降參選，長年累月積落嚟嘅街坊情更係買少見少。「超級區議會」議席候選人、民建聯主席李慧琼（Starry）與港島直選候選人、民建聯副主席張國鈞（Horace）昨日在北角一起舉行選舉宣傳巡遊，Starry提到最近同街坊接觸嘅一個細節，不禁令人動容。

　　Starry話，每次入到不同嘅社區，都有好多街坊叫佢哋撐住，認為香港唔應該咁亂，而最近一次落區嘅時候，有個街坊攞出民記四年前嘅（選舉宣傳）海報，仲話「我哋一直信任你，一直都支持你」。聽到呢度，鄭晴都覺得好難得，只係簡簡單單嘅一個動作，兩句話，就道出咗濃濃嘅街坊情。

　　Starry仲話，自己一步步走過嚟，在感動之餘，亦感到身上嘅責任重大，希望接落嚟可以繼續同街坊一同，為家園、為香港去創出路，令議會不再立立亂。而大家一齊努力幫香港走出困局，呢個當然都係鄭晴最大嘅願望啦。

　　參選「超級區議會」的還有：王國興、周浩鼎、陳琬琛、梁耀忠、塗謹申、鄺俊宇、關永業、何啟明。參選港島的還有：郭偉強、葉劉淑儀、許智峯、陳淑莊、何秀蘭、黃梓謙、鄭錦滿、羅冠聰、司馬文、王維基、詹培忠、沈志超、徐子見、劉嘉鴻。