立法會選戰進入最後嘅大直路，唔少候選人最近都頻頻拍片，加強宣傳自己政綱同理念，九龍西候選人、經民聯嘅梁美芬尋日就喺facebook上載咗一段短片（圖），仲配埋旁白添。美芬話，「呢一刻香港停頓咗，工人無工作，經濟下滑，好多人都唔開心，法治精神不斷被踐踏，大家嘅衝勁唔見咗，但係世界唔會因為我哋而停頓，我哋有時意見不一，不過我哋都係希望香港向前行，只有復和，香港先有希望，就讓我哋手牽手，摒除歧見，一齊為香港再啟動」。鄭晴都覺得美芬講得好有道理，香港要向前行，真係要議會少啲「拉布」，多啲包容同合作。九龍西候選人名單仲有：蔣麗芸、狄志遠、譚國僑、游蕙禎、黃碧雲、劉小麗、李泳漢、朱韶洪、黃毓民、何志光、關新偉、毛孟靜、吳文遠、林依麗。
