位於石硤尾嘅賽馬會創意藝術中心係文化界眼中嘅城市藝術綠洲。原來呢個小小綠洲，係體育、演藝、文化及出版界議員馬逢國十幾年前擔任藝術發展局主席嘅時候，同浸會大學策劃開拓出嚟嘅文化項目。佢上個禮拜就去咗探訪嗰度嘅租戶（見圖）。
事後，搞開文藝嘅馬生忍唔住感嘆，話喺藝術中心見到古琴，中國畫屏風製作室，仲有皮影和木偶工作室、陶瓷和玻璃工作坊等，當中唔少仲要係非物質文化遺產項目添。佢又話，石硤尾嘅藝術中心仲未滿足到文化界嘅要求，話會幫大家同政府爭取更多空間咁話。
鄭晴不嬲都覺得，去參觀文藝嘅地方，自己都會沾染到少少仙氣嘅。希望馬生可以成功幫我哋香港市民爭取多幾個修仙勝地啦。
鄭晴提提你，馬逢國已經報名競逐連任，該界別嘅另一名候選人係周博賢。
