圖：馬尼拉Travel Madness Expo旅遊展，今年係用「街頭小食」做主題
香港旅遊發展局早前再次參加菲律賓馬尼拉Travel Madness Expo旅遊展，今年係用「街頭小食」做主題，並將成個攤位化身作「香港地道小食店」，令不少參與者好似親身嚟咗香港咁啦。本地街頭小食「媽咪雞蛋仔」更首次衝出香港，仲將傳統雞蛋仔同粒粒朱古力、綠茶紅豆、紫薯crossover，推出全新口味，鄭晴聽到都流曬口水呢。
雞蛋仔香味仲飄到成個展區都係，吸引唔少當地後生仔注意，現場更打曬「蛇餅」，派咗成兩千幾份雞蛋仔，「媽咪雞蛋仔」未來仲計劃進軍日本及德國添。品牌創辦人Irene話，啲客排住隊都會傾幾句，唔少人試食雞蛋仔後，都話要到香港再食過。鄭晴覺得，旅發局如果整個「雞蛋仔」公仔來推廣香港街頭小食都幾好哦。
