圖：民記三小生早排就齊齊落咗元朗農墟試食本地出產?西瓜，仲拍埋片擺上網做宣傳
話說最近鄭晴有留意周浩鼎（ Holden）嘅《鼎訊》，竟然畀鄭晴我見到何俊賢（高佬）公然咁左擁右抱兩個 「美人」，我見到，我真係見到，旁邊仲有Holden同埋梁志祥（祥哥）一齊笑得好開心。嗱，高佬抱住嘅「美人」仲好有名㗎，一個叫 「甜美人」，另一個就係 「黑美人」，全部都係 「土生土長」，民記三小生大讚好甜美添。係啊，你無睇錯，兩個 「美人」就係 「本地瓜」嘛，所以真係好甜好美味囉。
原來民家班早排就齊齊落咗元朗農墟試食本地出產嘅西瓜，仲拍埋片擺上網做宣傳。唔講真係唔知，原來香港的 「本地瓜」夾雜咗部分 「一帶一路」嘅血統， 「混種」得來又甜又多汁。
西瓜真係有西瓜味！
Holden在開拍之前就食咗半個嚟試味，試真啲嘛，結論係西瓜真係有西瓜味，所以祥哥都唔執輸搶住買。而高佬買呢啲 「美人」返屋企就唔怕畀老婆扭耳仔喇，何太應該仲會讚佢識貨添。所以話呢，只要 「本土」無被扭曲，其實香港地真係有大把好嘢。
