【大公報訊】樓價高到堅離地，港人要買樓原來真要不旅行不睇戲，一對80後準夫妻，昨日在晉海揀樓後忍不住大爆買樓血淚史，為築愛巢過去四至五年死慳死抵儲夠100萬首期，還要加埋兩邊慈父幫手，方圓上車夢。
屬80後的李先生與未婚妻譚小姐，在雙方爸爸陪同下，有運抽中39號前籌，成功如期買入晉海600萬以下兩房戶作明年結婚後愛巢，因為600萬物業可按八成，兩人只得100萬元首期，其餘需要爸爸幫手，估計月供近1.9萬元。譚爸爸稱，兩人大學畢業後工作四至五年，月入約六至七萬元，兩人為買樓，儲錢期間只去過一、兩次旅行，甚至乎一年只睇一至兩套戲，死慳死抵才儲得100萬元首期。對於兩人為層樓慳到盡，譚爸爸也感心痛，「想當年我哋嗰代人只要勤力便買到樓，因為就算樓價升，薪金也跟住升，依家樓價升但工資唔升，根本樓市係畸形，大學生買唔到樓，爸爸唔幫手畀首期根本上唔到車」。
準人妻譚小姐聽後也有感而發，「唔知讀咁多書為乜」。準人夫李先生也大呻，「抽居屋又不合資格，買私樓又唔夠畀首期，完全係夾心人兩頭唔到岸」。期望政府可推出一些房屋迎合類似他們的夾心人。
