大公產品

首頁 > 文章 > 正文

一套郵票 五官享受

時間:2017-07-04 03:15:19來源:大公網

  香港郵政將首次發行以「兒童郵票——人體五感官」為題嘅一套五枚特別郵票,每款郵票加入唔同印刷效果。「聽覺」郵票係以熱熔印刷技術,將沙粒附於郵票表面,磨擦時發出聲音;「視覺」郵票就可以透過郵票中裁出嘅圓孔形相機鏡頭,觀看四周景物;「嗅覺」郵票附有桃子香味;「味覺」郵票嘅背膠有雲呢拿味;「觸覺」郵票上嘅籃球,採用熱感膨脹油墨印刷,模仿真實籃球嘅觸感。

  為配合呢套郵票,同系列郵票小型張更採用AR(擴增實境)技術設計,只需用「香港郵政郵票」流動應用程式掃描郵票小型張,小型張上嘅小朋友、各種感官活動,就會立體呈現眼前。

  鄭晴提提你,各郵政局今日(七月四日)起發售呢套咁有趣嘅首日封,每個盛惠1.3元,喜愛集郵嘅朋友,唔好錯過喇。

最新要聞

最新要聞

最受歡迎