容海恩（左）試着「黃金戰衣」
大公網1月4日訊（記者 龔學鳴）消防員救火救人，肩負保護市民生命財產嘅重任，值得市民致敬。一眾立法會保安事務委員會委員，今日就到位於將軍澳百勝角嘅消防及救護學院參觀，視察內部設備同埋了解學院運作，當中包括新民黨容海恩（Eunice）。佢參觀完之後響Facebook分享感受，話「消防員辛苦了！」。
消防及救護學院入面有唔少模擬訓練設施，協助訓練學員響唔同環境進行救援工作，當中包括模擬港鐵車站嘅「百勝角站」，都幾逼真架。第一次到「百勝角站」參觀嘅Eunice，都忍唔住自拍留念。佢話，自己除咗睇到受訓學員進行滅火同救援等示範，仲有機會試着號稱「黃金戰衣」嘅消防人員制服同防護裝備，稍稍體驗消防員嘅日常工作同生活，獲益良多。
