工廈收購成風，推高租金，初創企業捱貴租。
發展商積極入市收購工廈變劏房，「瘦田有人耕」下，連帶「真工廈」租金飆升，影響初創企業成本上升。兩年前首次創業，於觀塘道租工廈一千呎單位做工場，發展手製乾果生意的阿比說她的千呎工場位於工廈頂層，沒有電梯到達，租金較便宜，兩年前月租約一萬初左右，但近年觀塘道一帶工廈租金飆升，今年與她工場同層，面積較細，只有九百呎的單位放租，已月租一萬五千元，升幅高達五成，而下層有電梯的單位租金已達月租一萬八千至一萬九千元，她擔心今年年中續租約，業主會狂加租金。「我哋呢批年輕人搞初創資金唔多，小本經營租工廈，慳租金，但係畀啲扮活化嘅假工廈搞到呎價高，連帶租金上升，我嘅朋友之前喺附近搵工廈租盤，都畀接近二萬蚊租金嚇親，租唔落手。」
