圖：本報早前揭發「三丑」在中大密斟
違法「佔中」差不多三周年，但煽動市民「違法達義」嘅港大法律系副教授戴耀廷，至今不但逍遙法外，仲繼續喺大學教書，以學者身份不停「大放厥詞」，批評司法系統。唔少人都睇唔過眼，立法會議員何君堯更發起聯署要求港大革走戴耀廷嘅職務。無獨有偶，最近美國有一位教授同樣惹火，佢就係美國佛羅里達州坦帕大學社會學系嘅訪問學者肯尼斯．斯托里（Kenneth Storey），日前美國得州遭受颶風「哈維」襲擊，受災嚴重。呢位肯尼斯教授竟然喺社交網站稱，得州人受災就是遭天譴，因為他們去年投票支持特朗普。
荼毒港青 挑戰法治
不過正所謂「同人唔同命，同遮唔同柄」，肯尼斯教授就無戴耀廷咁好彩喇，校方察覺到社交媒體上對肯尼斯嘅批評後，很快就炒咗佢魷魚。鄭晴就覺得好奇怪，喺言論自由嘅美國，一個大學教師都要為自己嘅不當言論負責，點解戴耀廷成日向年輕人散布歪論邪說，又可以一直能留喺大學「教書育人」呢？戴耀廷不斷荼毒香港年輕人同挑戰香港嘅法治，種種言行已與佢嘅教師身份背道而馳，不斷損害港大嘅聲譽。而家已經有四萬多人聯署要求港大炒戴耀廷魷魚，校方係咪都應該仔細考慮呢？
鄭晴
