圖：立法會秘書處創作議員「立仔」，向市民講解議會運作
青年新政梁頌恆、游蕙禎終極敗訴，接受唔少傳媒訪問。大家最有興趣知道嘅，其實係今年四月梁頌恆喺天台赤腳被捕一事，究竟當日發生乜事呢？明明警方去灣仔拘捕游蕙禎，居然喺天台發現梁頌恆，而佢仲要赤腳添！梁頌恆接受雜誌訪問時，一路笑淫淫咁解畫，佢話當日喺天台張沙灘膠櫈瞓覺，飲醉咗酒，就係咁囉！佢又話，當日成班人，仲有律師喺天台傾緊法律程序，大家一路飲酒一路傾，跟住眼瞓，呢班人走咗，自己瞓咗，唔知游蕙禎幾時落咗去。
游蕙禎就話，唔明點解佢哋兩個一男一女嘅形象示人，就會有呢啲花邊新聞，反而兩個女就無呢啲花邊新聞。佢話，唔會理咁多喎。
呢啲情節都幾搞笑嘅。梁頌恆只係話飲醉酒，瞓咗，但之後會發生咩事呢？游蕙禎係幾時落樓呢？被捕之前佢兩個又做緊咩呢？大家就自行判斷喇。
