立法會究竟做咩嘢？「拉布」、掟嘢，相信係唔少人嘅第一印象，但其實議會都有好多正經事要做嘅。立法會秘書處喺暑假休會期間，製作咗多條影片同動畫，仲創作咗卡通人物：議員「立仔」，深入淺出咁講解議會情況，例如立法會嘅組成、職能同立法程序等。
鄭晴睇過片段後，覺得唔少設計都幾得意，例如「立仔」形象年輕，着西裝，打紅色領呔，有啲似民建聯嘅周浩鼎；主席角色嘅造型，就一啲都唔似現任主席梁君彥，反而有啲似首任主席范徐麗泰。而片中出現過嘅教育局局長係禿頭嘅，望落有啲似前任局長吳克儉喎。不過，其實有些人物造型同現屆立法會有出入，都無咩所謂嘅，畢竟係介紹整個立法會嘛。
如果大家想知道多啲立法會嘅工作，就不妨點入網址http://app.legco.gov.hk/PhotoGallery/chinese/VideoGallery.aspx?category=170，去了解一下喇。
