大公產品

首頁 > 港聞 > 正文

蒙眼搭纜車 聲音導航「聽」風景

時間:2017-08-09 03:15:25來源:大公網

  圖:蒙眼搭纜車可以了解視障人士生活/大公報實習記者鄧淑姿攝

  一般人搭纜車都係為咗睇風景,但尋日有班人蒙住對眼坐纜車,用耳仔「聽風景。」原來係昂坪360搞咗個「蒙眼纜車體驗」先導版。昂坪360公司事務總管劉淑儀話畀鄭晴知,有視障人士係昂坪纜車嘅忠實粉絲,雖然佢哋睇唔到風景,但係可以用其他感官同埋幻想嚟感受沿途嘅自然氣息。所以想通過呢個活動令大家了解視障人士嘅生活,亦都可以為奧比斯救盲工作籌款。

  係呢個活動裏面,蒙眼坐纜車會有聲音導賞員講解沿途風景,聲音導賞員嚟自大嶼山五間中學嘅60位學生,其中一位同學仔話第一次做聲音導賞,發現咬字發音好重要,而且要熟悉纜車周圍啲風景。

  活動正式舉行嘅日期係9月23日,想聽風景嘅朋友記得到時join啦!

最新要聞

最新要聞

最受歡迎