圖：蘭桂坊將舉辦第14屆音樂啤酒節，今年主題為「陽光與海灘」
大公報記者謝進亨攝
夏日熱辣辣，吃西瓜消暑解渴外，啤酒不失為一個好選擇！蘭桂坊後日將舉辦第14屆音樂啤酒節，今年主題為「陽光與海灘」，屆時有新晉本地手工啤酒品牌等過百款啤酒同美食，仲有22支本地樂隊駐唱。「蘭桂坊之父」盛智文估計，活動將吸引15萬人次到訪，按年升15%至18%。今個禮拜六、日約定你蘭桂坊見，不醉無歸！
鍾意飲酒嘅朋友，畀啲貼士你喇，上個月底先推出嘅本地手工啤酒品牌「香港友」，屆時會推廣三款口味嘅手工啤酒，包括拉格啤酒TIMES SQUARE、小麥啤酒、Pale Ale啤酒UNDERGROUND，全部香港製造，值得一試。至於鍾意美食嘅你，更加唔使愁！蘭桂坊今次同餐單平台「肥美達人」，推出手機應用程式，要點齊蘭桂坊內17間餐廳美食，話都冇咁易！
