民建聯第四屆家庭事務委員會成員尋日正式同大家見面，家庭事務委員會新任主席係鍾嘉敏，上屆主席洪錦鉉升為顧問，其他委員好似顏汶羽、鄭泳舜（圖右）都留任。 佢地喺記者會簽署新一份「家庭友善約章」，又同大家介紹佢哋自行出版嘅最新一期《家+ We Are Family》雜誌，宣揚家庭核心價值同關愛家庭角色。
鍾嘉敏仲話，雜誌出版到第六期，喺唔少學校、診所都有得睇。
今期《家+ We Are Family》以「蕃．香港」為主題，封面故事搵嚟時任民建聯少數族裔委員會主席鄭泳舜（Vincent）合作，同外籍藝人布偉傑大談香港少數族裔生活所遇到嘅煩惱。
