大公網6月19日訊 民建聯第四屆家庭事務委員會成員今日正式同大家見面，家庭事務委員會新任主席係鍾嘉敏，上屆主席洪錦鉉升為顧問，而其他委員好似顏汶羽、鄭泳舜都繼續留任。佢地喺記者會簽署新一份「家庭友善約章」，促請新政府推出更多家庭友善政策，又同大家介紹佢地自行出版嘅最新一期《家+ We Are Family》雜誌，宣揚家庭核心價值同關愛家庭角色。
新一屆民建聯家庭事務委員會部分委員今日正式亮相。
鍾嘉敏話，呢本《家+ We Are Family》已經出版到第六期，大約每半年出版一次，喺唔少學校、診所等地方都有得睇。嘉敏話，有次診所都問起佢幾時會出新一期，而且都幾受歡迎架！
鄭泳舜同大家分享有關少數族裔的工作和看法。
今期《家+ We Are Family》以「蕃‧香港」為主題，封面故事搵嚟時任民建聯少數族裔委員會主席鄭泳舜（Vincent）合作，同外籍影星布偉傑大談香港少數族裔生活遇到嘅煩惱，專訪亦訪問Vincent自己對於少數族裔嘅睇法同分享過去工作，有興趣嘅朋友記得攞本睇睇喇。
委員在活動上簽署「家庭友善約章」。
