圖：CY自拍手勢如此純熟，睇嚟係走在潮流嘅尖端 網上圖片
雖然比賽先嚟落雨，但無令一班愛運動嘅教師「退燒」，仲冒雨鬥足球添。講嘅係教聯會主辦「教師體育節2017」，唔講唔知，原來呢項學界大型活動今年已經係第十屆喇，參賽人數多達1400人，嚟自二百間學校，遍布港九新界，足球、羽毛球同乒乓球，都喺尋日分出勝負。至於籃球賽，就要喺本周末至開鑼。
教聯會尋日喺小西灣福建中學舉行「第十屆教師體育節2017」開幕禮，請到教育局副局長楊潤雄、中聯辦教科部副部長劉建豐，同教聯會主席黃錦良、體育節搞手王惠成等主禮。有別於常見嘅鳴號、爆氣球等儀式，大會今年安排主禮嘉賓將「躲避盤」拋向禮堂最遠處，為體育節開道。
唔好以為大力就實得，躲避盤雖然係塑膠，輕飄飄軟綿綿，要飛得遠係要講求技巧同角度。難怪楊潤雄、劉建豐都落埋場，同一眾教師玩起呢項香港新引入嘅運動，官民同樂，確係星期日一樂也。
鄭晴八到躲避盤係今年新增項目，比賽已於早前舉行，共吸引24間學校超過200位老師組隊參賽，每隊六人，結果由保良局蕭漢森小學獲得冠軍，亞軍係將軍澳循道衛理小學。
