圖：李國章（左二）童年照\《我們是香港真本土》圖
字輩係古時較常用，而家亦都有啲家族保留嘅取名傳統。例如行政會議成員李國章同胞兄東亞銀行董事局主席李國寶、堂弟前終審法院首席法官李國能就屬於「國」字輩。
李國章喺《我們是香港真本土》書中提到，李家由佢祖父李作元嗰輩起，到佢個仔民英、民俊一輩，四代人都喺香港長大，字輩連起來就係「作福國民」。唔講唔知，鄭晴今次都「漲姿勢」了。咁之後嘅字輩仲會唔會有類似嘅寓意呢？李國章亦都喺書中透露，佢爺爺一早已同往後四代定好咗字輩，係「光宗耀祖」啊，都咪話唔威水。
