圖：顏汶羽近日獲推薦成為廣東省青聯委員
身為青年民建聯主席嘅顏汶羽，一直好關心兩地青年事務。尋日係五四運動98周年，亦係「五四青年節」，顏汶羽就去咗廣州一轉，話自己順勢喺國家擔任咗個青年工作嘅崗位，獲推薦成為廣東省青聯委員。
顏汶羽同鄭晴話，青年係國家未來發展基礎，兩地交流尤為重要，所以由地區到國家，一直都做緊關於年輕人工作。
不過，兩地交流有代價㗎，家中「事頭婆」疑似少見佢而詐型，好彩佢亦十分識做，即刻喺Facebook「放閃」，話即使內地姑娘「四川辣，蘇州滑」，邊度嘅女人都比唔上老婆喎。唔……鄭晴都係戴返副墨鏡先。
