有獎竟然無人拎？九巴及龍運巴士早前推出「九巴龍運大抽獎」活動，最後一期「每月大獎」截至昨晚六時，頭二三獎包括價值21000元嘅旅遊禮券、名牌電風扇、高麗參，仲未有人拎啊！
其實玩法好簡單，乘客用八達通搭九巴或龍運累積指定積分就可以自動參加抽獎，得獎結果一早就公布咗，市民只要登入九巴網頁（www.kmb.hk），輸入自己嘅八達通背面號碼，就可以查到係咪得獎，今個星期六（4月15日）前仍未領獎，將作棄權論。
頭獎至10獎必須喺辦公時間致電3406 7448查詢領獎安排，但今日係公眾假期，大家即管可以試下打去；至於「每日獎」同11獎至22獎，只要喺聽日或之前，前往尖沙咀碼頭巴士總站之九巴顧客服務中心出示有關八達通卡，即可領取獎品，仲唔把握最後機會？
