政府宣布成立創新、科技及再工業化委員會，雲集創科、工業界巨星，包括曾任阿里巴巴集團副總裁兼「大數據一哥」車品覺、AI創業加速器Zeroth.AI創辦人盧德俊；仲有工業總會「巨頭」，榮譽會長鍾志平、主席鄭文聰、副主席郭振華等等，星光熠熠。
今次嘅委員會，以較高層次同跨局方式，統籌香港創新及科技發展，同再工業化的進程。
委員會由財政司司長擔任主席，任命即日生效，為期兩年，首次會議計劃喺今年五月舉行。
除咗財爺陳茂波做主席之外，當然委員仲有本港四大創科基地巨頭，香港科技園公司董事會主席羅范椒芬、香港數碼港管理有限公司董事局主席林家禮、香港應用科技研究院有限公司董事局主席王明鑫同埋香港生產力促進局主席林宣武。鄭晴都好期待嚟緊有咩新橋出台！
