大公網2月21日訊（記者 龔學鳴）特首辦宣布，行政長官梁振英將於今個禮拜四訪問深圳同廣州，同日夜晚就會返港。特首離港期間，政務司司長張建宗將會響當日上晝署理行政長官職務；陳茂波就響當日下午至晚上署任行政長官。點解政府要安排兩位司長各自署任特首半日咁特別呢？
原來，陪同特首出訪嘅官員，除咗政制及內地事務局局長譚志源同行政長官辦公室主任邱騰華之外，張建宗同食物及衞生局局長高永文將會分別參與廣州同深圳嘅行程。按規定，特首職務會依次由政務司司長、財政司司長同律政司司長署任，咁當特首同張建宗都離港，自然就由陳茂波署任特首。
另外，特首禮拜四會先到深圳拜訪廣東省委常委、深圳市委書記、市長許勤，又會參觀香港大學深圳醫院；之後會到廣州拜訪廣東省委書記胡春華。
