圖：義剪惠長者街坊
九龍城係歷史悠久嘅地區，隨着人口老化，區內多咗好多「老友記」。因為老人家出入不方便，有病痛時更加要去醫院排長龍好辛苦，九龍城一班有心人就搞咗個「九龍城區社區關愛義診服務」，免費幫街坊把嚇脈同做嚇針灸，調理身子。如果覺得頭髮長，仲可以即場免費幫你剪埋頭髮，同場聽嚇懷舊金曲。
呢次咁大規模嘅義診、義剪綜合嘉年華係由紅磡居民服務協會、紅磡婦女會、藝慧芸集及大醫堂一齊合辦，林德成區議員辦事處協辦。
林德成話，舉辦今次活動係希望在社區弘揚健康文化，推廣養生調理之道同宣揚鄰里互助互愛精神。佢仲提到，今次最有意義係可以幫到一位10幾歲失明的小女孩剪頭髮，同佢傾偈時更覺得因為呢位小女孩無因為失明而抱怨同放棄自己，令佢非常感動。
