圖：鄉議局主席劉業強站喺兩層樓高嘅聖誕樹前面影番張靚相/大公報記者周禮希攝
仲有幾日就係聖誕節，雖然今年天氣無咁凍，但聖誕氣氛已經非常之濃烈。鄉議局主席劉業強今年就特別建議，喺鄉議局大樓中庭裝置咗一棵聖誕樹。劉業強話，今年都想搞搞新意思，所以就一於擺放一棵聖誕樹，應下節！
呢棵聖誕樹成兩層樓咁高，聽劉業強講，雖然只係租返嚟嘅，之不過價錢都唔平，而且佢仲話裝置嘅過程相當複雜。鄭晴覺得呢棵聖誕樹同鄉議局本身嘅聖誕裝飾夾埋真係幾靚，效果咁好，貴少少都相當值得！劉業強尋晚開完會，同鄭晴一傾完就急急趕去機場，飛去外地同屋企人一齊過節喇。
鄭晴
