圖：CY喺Facebook發帖恭賀傅家俊封王/網上圖片
香港運動員好勁！桌球好手傅家俊（Marco）喺蘇格蘭公開賽，一度落後但無放棄，結果一口氣連追八局，反敗為勝，成功擊敗希堅斯，奪得冠軍。特首梁振英尋日就喺Facebook發帖，恭賀傅家俊，讚揚佢「完美體現港人永不放棄，逆境自強的精神」。
一班建制派議員都即刻喺Facebook分享傅家俊奪冠嘅新聞。民建聯劉國勳話，唔少人會先入為主咁以為，篤波嘅人係三教九流，但桌球其實係一項高水平嘅競賽運動，要求選手鬥智鬥力。佢又話，對住傅家俊一Q百幾度嘅高手，絕對要膜拜，希望今次傅家俊取得令人驚艷嘅成績，可以扭轉大家對桌球運動嘅誤解。何君堯就讚傅家俊「好勁！」
香港運動員一向都好優秀，鄭晴希望香港市民能夠多啲支持佢哋，亦都希望所有香港運動員可以盡力去比賽，香港人就係你哋最強大嘅後盾！
鄭晴
