圖：梁頌恆宣誓時擺明「玩嘢」，又將「宣獨」旗幟當披肩/大公報記者林良堅攝

　　青年新政梁頌恆同游蕙禎尋日喺宣誓時擺明「玩嘢」，以英文宣誓故意將China讀成「支那」，繼「X嘢論」後，豪放女游蕙禎又用英文在議會爆粗講fxxking。佢哋兩個又將「Hong Kong is not China」的「宣獨」旗幟帶入議事廳，一個當披肩，一個當枱布。梁頌恆宣誓時右手更舉起中指，明顯係違心手勢啦！佢兩個出嚟嘅解畫更加令鄭晴憤怒了！

　　對於嗰張旗，梁頌恆就話：「我唔明我件披肩嘅fashion元素點樣影響到我理解誓詞嘅內容。」fashion嘅嘢，鄭晴真係唔識，但咁都係fashion？梁議員你聽日攞塊窗簾布包住個身仲fashion囉！

　　被問到為何讀成「支那」，爆粗嘅游蕙禎就話：「係咪歧視緊我嘅accents呢？」（記者溫馨提示游BB，應該係accent！）梁頌恆就更離譜，居然話：「家鄉嘅accent我避免唔到，我家鄉係鴨脷洲。」嘩，咁假嘅大話，你哋都講得出？當香港市民係無讀過書呢，定係無去過鴨脷洲？相信大家完全無聽過有種口音叫鴨脷洲，黐脷筋就有你份！

　　佢哋根本就係唔跟法規，唔跟議事規則，仲毫無邏輯可言，記者同香港市民一樣，真係無眼睇。