圖：舊時小孩的利是錢都是放進這種陶製錢罌裏，「儲儲埋埋」留作日後開學用

　　本着「埋」有「掩」的意思，就有了以下一連串的意思轉折：

　　「掩」，義近「合」

　　「合」，義近「在一起／起來」

　　「在一起」，義近「一起」

　　「一起」，義近「一同」

　　「一同」，義近「同」

　　「同」，義近「和」

　　那廣東人所用的「埋」字也有以下意思：

　　和、同、合、一起、起來

　　據此：「加埋」、「加埋加埋」、「加加埋埋」相當於「加起來」。

　　例1：「加埋」有七個人去打邊爐。（加起來有七個人去吃火鍋。）

　　「同埋」相當於「和××一起」。

　　例2：佢「同埋」個細佬出街。（他和弟弟一起上街。）

　　「連埋」相當於「連同」。

　　例3：「連埋」呢啲散銀，相信都可以買到張戲飛。（連同這些散錢，相信也可買一張戲票。）

　　「夾埋」、「夾埋夾埋」、「夾夾埋埋」相當於「合埋」，「夾」有混合的意思。

　　例4：佢幾個夾埋嚟呃我。（他幾個人合起來騙我。）

　　例5：你哋買六合彩，我都「夾埋一份」！

　　（「夾埋一份」指一同分擔投注額。）

　　「湊埋」、「湊埋湊埋」、「湊湊埋埋」相當於「合埋」，「湊」有聚合的意思。

　　例6：細個嗰陣，我哋幾姊妹諗住送條金鏈仔畀阿媽做生日禮物，於是大家咪各自打爛裝利是錢個錢罌，點知「湊湊埋埋／夾埋夾埋」都係唔夠數！

　　「儲埋」、「儲埋儲埋」、「儲儲埋埋」相當於「儲起來」，當中「儲」讀「粗1-5」。

　　例7：有間連鎖快餐店推出儲積分計劃。某日，有位老伯點咗份早餐，收銀員問佢有冇儲積分，老伯即時嘅反應係：「一蚊一分，成家大細，『儲儲埋埋』，都唔會多得去邊喇！夠一千分又點啫，咪都係換到份早餐！」

　　「溝埋／摳埋」、「撈埋」相當於「混在一起」。

　　例8：阿媽話，紅豆沙唔好「溝埋／摳埋／撈埋」芝麻糊嚟食，會絞肚㗎！

　　（「絞肚」，粵方言用語，指腹中絞痛。）

　　據筆者考究，「溝／摳」的本字是「攪」，攪拌、混合的意思，演變過程如下：

　　攪（gaau1）；變聲母kaau1；變韻母溝（kau1）

【「粵語方言用字：埋」之四】

香港資深出版人 梁振輝