尋日係國慶嘅大日子，政務司司長張建宗發表網誌，祝願「祖國人和家富、民和國富，香港繁榮穩定」，仲話香港回歸20年來嘅繁榮穩定，全賴國家大力支持及香港社會各界同心協力，對香港嘅未來充滿信心。
張建宗喺網誌提及，上星期去睇廠商會贊助嘅《我們的6E班》電影，講述一班不同背景、國籍、文化、能力和語言，爭取融入社群的過程中面對不同程度的困擾，但經充滿熱誠的老師開導勉勵下，重拾自我。司長強調，香港背靠祖國，聯繫世界，匯聚不同背景、種族人士，相信大家一起生活，為着目標及理想努力奮鬥，形容「香港是我家，不分你我他」，大家共建共融和諧香港。
財政司司長陳茂波尋日網誌咁啱亦係講青年問題。佢話，上星期探訪香港青少年服務處心弦成長中心，與成功戒毒的青少年及協助他們的社工見面。財爺話，自己亦非常感恩小時候在社區上得到社工的幫助，不致誤入歧途。
