網上昨日有一份某連鎖店嘅內部員工通告流出，通告發出日係8月21日，即「天鴿」襲港前夕，標題是「8號颱風營業時間表」。當中內容，要求「指定分店於除下八號風球後，需即時開門營業」，例如：「9am除下8號，9am即時開門營業」（詳見圖）。
通告曝光後即在網上廣傳，網民幾乎一致抨擊該連鎖店要求不切實際，直指員工不可預知何時除下風球，如要履行通告內容，唯一方法就是在八號風球時上班，留在店內待機。網民普遍批評該連鎖店不理員工安危。
鄭晴就向本地不同連鎖店查詢其颱風下員工上班安排，當中百佳超級市場、屈臣氏都話，喺十號風球時全線都會暫停營業。而部分分店在安全情況下，喺八號風球時仍會開業。兩家公司都會提供全費車資津貼，並建議員工在安全情況下才上班。兩家公司都表示無要求，因颱風暫停營業分店員工，需在八號風球除下後即時恢復營業上班。
立法會勞工界議員陸頌雄同埋立法會批發及零售界議員邵家輝異口同聲都係咁話，僱主應與員工協商，在顧及安全情況下，訂立合理嘅颱風後上班安排。鄭晴都覺得商業社會講要賺錢好正常，之不過有理無理，夾硬要員工暴風雨中返工，白紙黑字，橫睇掂睇，網民嘅意見可以理解囉。
