青年新政梁頌恆喺舊年嘅立法會選舉中意外當選，當日趾高氣揚，甘冒天下之大不韙，違法宣誓。點知唔夠一年，就變咗自認「潦倒」嘅失業青年。
近日Now新聞台播出梁頌恆訪問片段，話佢自從被取消議員資格後，除咗出入法庭，大部分時間留喺屋企，淨係間中會賺下外快。佢喺訪問入邊，都顯得無精打采，自稱收入同之前（做立法會議員嗰陣），相差甚遠，係「幾千與幾萬的區別」，積蓄而家已經用得「八八九九十十」。
食曬穀種嘅梁頌恆，好無奈咁話，接落嚟準備搵工，但又有尷尬畫面：「因為12月有另一宗立法會內非法集結案要上庭，預計需時三個星期，有沒有公司接受員工上庭？又是否能接受員工不見三個星期？」真係「一失足成千古恨」，早知今日，又何必當初呢？
