圖：羅智光（左）在稅務局與殘疾同事交談
政府經常強調傷健共融，究竟可以點實踐呢？尋日，公務員事務局局長羅智光就去咗稅務局，搵咗一啲殘疾公務員同事傾偈。患有肌肉痿縮症嘅趙得興，1982年加入政府做助理文書主任，年紀愈大，肌肉退化愈嚴重，而家要用輪椅出入。得興返工做嘢有冇遇到困難呢？得興話，工作地方嘅通道夠闊，出入有自動門，又可用工具輔助打字，應付到工作要求。得興仲話，殘疾人士應該放膽投考政府工，因為政府有唔同工種，相對私人市場更容易搵到適合自己嘅位置。
