儘管高鐵「一地兩檢」方便市民出行、推動香港經濟發展，已經係大家嘅共識，但「泛民」仍然盲反「一地兩檢」。就好似「一地兩檢」關注組臨時聯絡人、公民黨議員陳淑莊，一直口口聲聲要求政府做公眾諮詢、聽民意，但當運輸及房屋局局長陳帆尋日親自打電話畀佢，邀請佢見面傾「一地兩檢」時，陳淑莊竟然扭扭擰擰，話閉門見面，倒不如等今日下晝立法會嘅委員會聯席公開會議上提問。鄭晴就覺得，「泛民」擺明就係有心刁難。早前港鐵安排全體立法會議員參觀西九龍總站，「泛民」都係玩杯葛，佢哋一直抱住反對嘅心態，政府就算再諮詢又有咩用呢？只不過係畀機會「泛民」再玩嘢拖延。
