圖：李家超（左二）昨到馬鞍山欣安邨探訪長者，了解他們的日常生活
「共慶回歸顯關懷」計劃展開至今，特區政府多名司局長連月走訪全港各區接觸市民，鄭晴聽到好多街坊話，希望可以多啲喺街度見到局長呀！保安局局長李家超尋日就即刻滿足市民願望，喺沙田民政事務專員陳婉雯、沙田區議會主席何厚祥陪同下，去到馬鞍山欣安邨陪「老友記」傾偈，探訪四個邨內長者家庭，了解佢哋日常生活。
「老友記」見到李家超都非常開心，爭住同佢影相，局長贈送禮物包，一齊感受香港回歸二十周年喜悅。李家超尋日亦同參與活動嘅義工見面，感謝佢哋對長者同有需要人士嘅關懷，希望透過家訪，等區內居民感受回歸20周年嘅喜慶。
