政制及內地事務局局長聶德權（右二）今日（七月十八日）在政制及內地事務局副秘書長李佩詩（右一）及觀塘民政事務專員謝凌駿（左二）的陪同下，到觀塘區進行「共慶回歸顯關懷」家訪活動，探訪長者家庭。圖示聶德權向長者送贈禮物包。
大公網7月18日訊（記者 朱晉科）政制及內地事務局局長聶德權尋日到觀塘落區，首先到保良局劉陳小寶長者地區中心參觀，聽下職員介紹中心為長者提供嘅社區安老服務，又同中心內嘅長者食午飯、談天說地，了解佢哋嘅生活情況同需要。之後佢又參加咗觀塘區「共慶回歸顯關懷」家訪活動，探訪長者家庭，仲向佢哋派發禮物包。「三耳局長」就話，今次係佢做局長後第一次落區，對觀塘有特別深厚嘅感情，原來佢嘅中學母校就係呢度，從小就係觀塘成長，佢又承諾日後會繼續落區，了解地區民情。
