大公網7月18日訊：梁國雄（長毛）、劉小麗、姚松炎同羅冠聰四人被法院裁定喪失議員資格，社會各界「熱烈地彈琴熱烈地唱」。有網民將TVB劇集《成吉思汗》嘅主題曲《問誰領風騷》二次創作，改為《問誰冇得撈》，諷刺四人「當日囂張，扯高聲線宏亮」、「而家衰咗 ，死雞撐於蓋上」，又直斥班反對派係宜家財委會「拉布」，「多個審批怕遭殃」，「如唔退讓，教育界好傷」，歌詞真係一針見血，反映市民心聲。
被褫奪議員資格嘅長毛尋日又返立法會搞搞震，佢以社民連代表嘅身份，出席長期護理政策聯合小組委員會嘅公聽會，仲係大樓內接受傳媒採訪，死撐立法會主席梁君彥當日話四人宣誓有效，被追討欠款嘅應該係主席雲雲。唔少網民都睇唔過眼，揶揄長毛賴死唔走。有網民就話長毛如果宣誓時依法辦事就乜事都冇，依家賴呢個賴嗰個，自己一啲責任都唔使負，仲惡人先告狀。
