圖：趙慧賢成為警隊歷史上首位女副處長
警隊喜迎首位「二姐」！警務處昨日公布，現任人事及訓練處處長、高級助理處長趙慧賢（Winnie），今個星期六（7月8日）起獲委任為警務處副處長（管理），接替即將退休嘅周國良，成為警隊歷史上首位女副處長，兼最高級嘅女性警務人員。
趙慧賢現年54歲，1983年加入香港警隊，任職督察，2002年晉升高級警司，2006年晉升總警司，2011年晉升助理處長，2014年晉升高級助理處長，歷年來先後喺刑事情報、毒品調查、國際聯絡、培訓事務等崗位工作，做過分區、警區和總區指揮官，以及總部負責行動政策及支援。
1997年香港回歸時，任職警司嘅Madam趙，擔任香港主權交接儀式及世銀國際基金年會保安策劃小組核心成員，專責傳媒聯絡事務和相關保安事宜。鄭晴好記得，2014年79日「佔中」期間，時任監管處處長嘅Madam趙，頻頻向傳媒同監警會解釋警隊嘅工作同困難，令佢贏得唔少同袍認同，相信新任「二姐」可為警隊帶來新氣象。
