大公網6月25日訊 記者龔學鳴報道：民建聯立法會議員張國鈞(Horace)和黃定光(象哥)嘅地區辦事處又開幕啦!上兩個星期係漁灣邨辦事處，今次就係小西灣辦事處。另外，政務司司長張建宗致辭時話，自己返小西灣好似返咗老家，因為佢係早年東區最後一期嘅民政主任，所以有一定了解，而Horace加入行會，加強民建聯與決策系統的溝通和影響力，象哥加Horace就係一個真誠為港嘅組合。中聯辦港島工作部副部長范克勝話，識咗Horace十幾年，睇住佢成長，祝賀佢成為行會成員，而民記一直真誠為香港。
Horace強調，一班民記嘅東區區議員不辭勞苦，地區工作從未間斷，而佢今次加入行會，就係要反映普羅市民嘅聲音，而佢同象哥會做好地區工作。象哥就話，小西灣有10萬人口，多條巴士路線，成果得來不易，會繼續深入社區聽街坊意見，希望同Horace一齊深耕細作。
