新一屆政府即將於7月1日上任，一早表明唔留任嘅教育局局長吳克儉尋晚就同副局長楊潤雄、政治助理施俊輝、政務助理余健強同新聞秘書張志明一班好兄弟喺銅鑼灣食飯。佢仲喺Facebook撰文，話局長辦公室嘅同僚好少有機會一齊吃飯，尋晚各位兄弟終於可以聚首一堂，閒話家常，仲講到明「今晚美食包括『甜酸』魚、『苦』瓜、『辣』蟹等。」
吳克儉話，天下無不散之筵席，但佢最回味嘅並唔係任何美食，而係「兄弟同心，風雨同路，在甜酸苦辣中全面落實我在五年前對教育嘅承諾。」
又話呢樣對佢嚟講，實在係一頓豐富嘅盛宴。
最後，吳克儉感謝團隊內每一位成員，包括前同僚，同佢一齊為香港教育嘅未來默默耕耘，最後祝大家工作順利，未來可更上一層樓！
