圖：普巴抽時間去迪園同卡通人物「集郵」
效力英超曼聯法國中場球星保羅普巴，尋日離開香港之前專程抽咗大半日時間，去香港迪士尼樂園玩番轉！入到樂園嘅普巴，瞬間變成一個小朋友，唔單止玩咗「沖天遙控車」、「星戰極速穿梭」等刺激遊戲，仲主動向米奇、米妮及蜘蛛俠等一眾朋友仔「集郵」。
鄭晴聽講，普巴今次同米奇、米妮大合照時，唔單止「飛撲」到米妮身邊，突然間仲「舞癮」發作，教佢哋跳入波時嘅招牌舞「DAB」添！
