圖：Michael（右）話如果林太（左）得閒，可以帶林太喺香港飛一轉，睇下香港有幾靚
尋晚香港美國商會舉行慶回歸酒會，候任行政長官林鄭月娥獲邀出席，藝人王敏德（Michael）唔止出席，仲坐咗喺林太旁邊添。主持人問Michael點解會嚟香港，佢就話有啲家庭原因，再加上佢同哥哥喺80年代來港發展演藝事業，所以就喺香港繼續住啦！佢笑言，即使來港三十幾年，廣東話都講得唔太好。不過呢，香港可以令佢夢想成真，既可以發展演藝事業，又可以發展自家品牌，另一個夢就係成為民航機師，佢又真係考到機師牌。
Michael又話，自己喺香港上空飛行嗰陣，發覺香港真係世界上其中一個最靚嘅地方，又發現愈嚟愈多港人行山，希望下屆政府保留郊野公園，同埋可以興建一啲極限運動嘅設施，因為香港擁有好好嘅沙灘同山。Michael仲話，如果林太得閒，可以帶林太喺香港飛一轉，睇下香港有幾靚呢！
