「馬照跑，舞照跳」，賽馬已成為港人集體回憶之一，邊個星期無馬跑總有啲「周身唔聚財」嘅感覺。身為多隻「Fit馬」嘅馬主、莎莎國際主席郭少明尋日就同鄭晴分享香港多年來馬匹賽事嘅變化，話香港賽馬水平近年不斷提高，已經變得非常國際化，就連好多外國騎師都希望到香港比賽咁話。
郭少明又話，「有香港馬匹被邀請去日本、迪拜等地方出賽，我諗香港人都會好開心，呢個都係榮耀嚟！」佢仲話，試過兩次代表香港參加國際賽，當贏出時候聽住外國馬場奏中國國歌，令佢非常自豪。
郭少明仲提到，已經專門喺新西蘭闢咗個牧場，自己啲馬匹退休之後，會請曬佢地去養老，等佢地舒舒服服咁嘆下草添。睇嚟「做隻出色的馬仔」，真係有用喎！
