陳茂波出席青年民建聯飯局
大公網4月12日訊（記者朱晉科）：青年民建聯不時都搞下名人飯局，邀請政界知名人士與一眾青民會員對談。青民近排就請咗財政司司長陳茂波，分享下佢點樣由一名專業人士踏上從政之路。
陳茂波就話，年輕人參政時必須發展自己嘅專業，建立個人形象，佢又以當年參選立法會會計界嘅經歷為例，指年輕專業人士可以先係自己範疇努力，闖出名堂，日後參政可更易爭取所屬界別支持。陳茂波又建議年輕人可嘗試就社會議題多寫文章，培養時事觸覺、熟悉不同領域嘅政策，為日後從政打下基礎，所以年輕人要加強自身嘅語文能力，提升政策論述嘅水平。
