圖:劉業強坐Tesla Model X到場,非常霸氣兼搶眼 大公報記者張月琪攝
尋日天都未光,記者們已經要喺會展門口等待選委到場,喺港灣道入口默默等待嘅鄭晴,本身就快瞓着㗎啦!直至鄉議局主席劉業強到場……
話說當時前方一度閃光,伴隨一架白色嘅Tesla Model X到達,鄭晴同在場一齊等候的記者們,都眼定定望住架車,睇下邊位貴賓到。此時,兩邊車門突然好似天使振翅咁,打開咗對翼,然後劉業強落車,現場即時「嘩」聲四起,唔講真係以為自己睇緊特攻電影呀!
Tesla舊年宣布推出Model X,售價要100萬左右,其中最吸引買家就係嗰對「Falcon Wing 鷗翼車門」,所謂聞名不如見面。
鄭晴尋日見到實物後覺得,果然識揀就係要揀「拍翼」車門至夠霸氣!