圖：漁農界自製Banner祝賀林鄭 大公報記者林良堅攝
每次有大型場合，反對派總係會帶啲黃色物品、黃色字句入場示威，正所謂你唔悶我都厭啦！不過尋日突然間好有驚喜，原來有漁農界嘅選委早有準備，DIY咗一條粉紅色Banner，熱烈祝賀林鄭月娥當選！
尋日特首選舉點票現場，宣布結果一刻，現場熱氛非常高漲，歡呼聲四起，坐喺接近最後排嘅一班社福界選委，突然彈起身，手持黃色字句喺現場示威、又繞場一周。而坐喺中間嘅漁農界選委，突然有所「回應」，一行成十人拎起一條粉紅色Banner，寫住「漁農界熱烈祝賀林鄭月娥」，同社福界玩對抗，認真有趣！
